做愛和創新

做愛和創新，其實很相似。

年輕人日做夜做拼命做，從不覺疲；中年人貴技巧不貴多，務求精純；只有人到晚年，有心無力，每逢重要節慶日子，才勉強應節一下，頂多幾下。創新的精神，也彷彿男人的精液，一早設有配額，總有殆盡的一天。

科技產業常見的專利 Lawsuit，就像偉哥，若偶然服用，的確可以顯顯威風，但使用頻率越高，副作用越大，也越接近無法抬頭的一天。

像 Xerox、 RealNetworks這種大公司，成名早，創新的黃金時間已經過去，難以避免需要依靠
Lawsuit壯壯聲勢，唬嚇爭食的年輕小伙子。不過，最近連依然「有心有力」的 Steve Jobs亦要對 HTC提出
Lawsuit，的確令人摸不着頭腦。惟有希望藥力不要太猛得了副作用。

至於微軟，很合理，至少當初沒改錯名，現在大可以考慮改喚大軟或太軟。此外，其實還有很多科技公司喜歡打官司，一時間不能盡錄。

反之，我有一位搞 IT Startup的朋友，創業逾七年，其間有起有跌，革命尚未成功，雖屢戰屢敗，仍屢敗屢戰，由於「尚未滿足」，依然雄赳赳氣昂昂。

最後我想，就算 Steve Jobs真的用盡了
quota，其實也無所謂了，反正他已經解放了全球最血氣方剛最有本錢的年輕人，大伙兒正在日做夜做拼命做，功德無量矣！

《2010年03月06日刊於蘋果日報》

買iPhone

講起嚟有少少慚愧，其實我仲未用過iPhone。

我對手機的要求不嬲都比較傳統，打出打入冇問題已經收貨。

記得我第一部電話係samsung牛魔王，當時仲係初中，大部份同學都冇電話的時候，我比較好彩，有部電話玩下。

點解會買呢部？其實當時電話款式極之有限，咁啱電訊商啱啱發明零機價，老豆老母出俾我，梗係揀部「唔使錢」架啦，當年少不更事，我貪佢可以摺埋，覺得好有型，點知咁就出左事…

唔知係CDMA既錯，定係部機收得差，成日接收唔到，最慘既係，當佢收唔到，佢會發出“嘟嘟”兩聲，收得番又“嘟嘟”，印象中，無論我點set機，佢最後都係會“嘟嘟嘟嘟嘟”，嘟到好次似我對住佢講：嘟你，可惜佢都係“嘟嘟”。啤。當年手提電話仲係學校禁忌，咁既機，我唔帶得返學，出嚟把托？最後約滿即停，真係講起都扯火！

之後，我出咗部nokia 3210，我頂，鬼佬嘢真係唔同啲，我成個大鄉里咁，嘩，啲嘢好簡單好易用，仲可以換殼，玩厭又可以跟sim卡走人，唔使俾telco挷住，同埋，nokia真係好似接收清好多。之後再換咗部8210，冇乜唔同，係細咗一半。

其實不嬲都覺得黑白mon(定三色?)年代的nokia 好勁，部3210跌到個mon顯示唔到，但都一樣打得出同收得到（當屋企電話冇顯示咁打），之但係，後尾出咗部N乜鬼，摺機（唉，又係衰摺機），所有software轉哂,彩色，出事，成日hang，又慢，再次證明唔熟果瓣真係唔好鬥。

雖然有個咁差既回憶，但係我再之後都係用nokia，不過就冇摺，冇計，好似果排好多朋友咁講：「用慣左nokia system，好難轉。」一用，就用左成個大學生涯，吖，其實我覺得幾好用，可能改良咗少少，不過都係老問題，硬件追唔上軟件，好快過熱熄機,一路用到舊年。

之後轉咗工，成日要用電話，先發現佢原來唔可以用嚟煲粥，熱死咗。改用女友唔用的Sony Ericsson，用落先知點解佢唔用，system超唔usefriendly，接收好差，已經夠死，亦都成為咗我轉 iPhone 的原因。

近況：上星期五訂咗Smartone iPhone生豬ass，今日問點解仲未收到，頂，漏咗單！